Фамилијата Елисалде живее среќен и хармоничен живот на својата хациенда. Стариот дон Гонсало е среќно оженет со Монсерат и имаат пет деца - Фернанда, Лилијана, Сантјаго, Камило и Анибал. Фернанда другарува со Едуардо, синот на готвачката Соледад и од мали нозе меѓу нив постои интересна поврзаност.

Семејството Елисалде не знае дека е цел на напад од страна на еден мистериозен човек Артемио Браво, кој живее за да го уништи семејството Елисалде поради тајни од минатото. Неговиот прв шпион за таа опасна игра е Ребека Санчез, бескрупулозна и ладнокрвна млада жена која е пратена од Артемио Браво да ја уништи фамилијата Елисалде, па затоа таа се вработува во компанијата на Елисалде под името Барбара Греко и станува лична аситентка на дон Гонсало поради нејзината способност за манипулација со луѓето. Со текот на времето, Барбара Греко ги придобива сите членови во семејството, освен Лилијана, најстарата ќерка на дон Гонсало. Првата наредба која Барбара Греко ја добива од својот шеф Артемио е да ги уништи готвачката Соледад и нејзиниот син. Под влијание на Барбара, Гонсало ги разделува Фернанда и Едуардо, на големо незадоволство на децата. Со следниот потег, Барбара ја убива Монсерат, а и поставува дрога на Лилијана и ја обвинува за смртта на мајка и, па така Лилијана е пратена во лудница. Барбара ќе успее да се омажи со Гонсало, да влезе во компанијата и да почне со планот за финансиско уништување на Елисалде. Соледад е единствената која ги дознава сите злосторства на Барбара, но е принудена да молчи затоа што Барбара и се заканува дека ќе и го убие синот. Затоа и Соледад е принудена да спречи било какво поврзување на Фернанда и Едуардо во текот на годините.
Годините поминуваат... Лилијана е во лудница и е постојано дрогирана од луѓе на Барбара Греко. Барбара манипулира со целата фамилија и добива свој нов соучесник - Дамјан, кој ќе треба да се ожени со Фернанда. Едуардо по завршувањето на магистратурата во странство се враќа дома кај својата мајка. која е тешко болна. Таа му кажува за злосторствата на Барбара, Едуардо решава да ја натера Барбара да плати за се. Користејќи го името Франко Санторо, Едуардо успева да започне соработка со компанијата на Елисалде, а притоа никој да не се посомнева дека е тој всушност синот на готвачката Соледад. Фернанда е привлечена од новиот дојденик чија цел е да се одмазди и на Барбара, и на Фернанда за која мисли дека многу лесно го заборавила. Едуардо со помош на Фернанда ќе започне опасна игра со цел да ја разоткрие Барбара, но постепено и двајцата сфаќаат дека не постои поголема сила отколку вистинската љубов која се уште гори меѓу нив.
Улоги:Лусеро, Силвија Наваро, Фернандо Колунга, Серхио Сендел, Рохелио Гера, Марија Рохо, Ерика Буенфул и Доминика Палета.