Туск: ЕУ мора да биде подготвена на сите сценарија во преговорите за Брегзит
Европската унија треба да биде подготвенa за секакoв развој на преговорите за заминувањето на Велика Британија - за постигнување договор, за недостиг на договор или за неуспех на заминувањето.
Ова го изјави претседателот на Европскиот совет, Доналд Туск пред Европскиот парламент.
- Без разлика на тоа што ќе се случи, ние треба да останеме обединети, истакна тој и додаде дека исходот зависи од Лондон.
Туск соопшти дека во февруари следната година ќе свика вонреден Европски совет посветен на следните избори за Европскиот парламент во 2019 година. Според него, најдобро е ако Велика Британија си замине, бројот на европратениците да биде помал од досегашниот. Тој го опиша овој пристап како прагматичен, логичен и очекуван од јавноста.
Претседателот на Европскиот совет изрази очекување до средината на идната година во ЕУ да биде постигната согласност за заедничка одговорност за заштита на надворешните граници, за забрзување на враќањето на незаконски инфилтрираните мигранти, како и за Даблинскиот договор.
Претседателот на ЕК, Жан Клод Јункер изјави дека Комисијата не преговара непријателски со Лондон, и има за цел постигнување на фер договор.
- Не сакаме да не постигнеме договор со Велика Британија, додаде тој.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај