Турското Министерство за здравство бара затвор за сурогат мајчинство
Турското Министерство за здравство бара затворски казни за сурогат мајчинството, објави весникот „Хуриет Дејли Њуз“.
Институцијата работи на предлог за криминализирање на овој вид мајчинство и бара законски промени со кои ќе бидат воведени казни затвор од две до пет години.
Министерството ќе достави предлог за законска измена, со која треба да се забрани имплантирањето на оплодена јајце клетка со цел носење на плодот од страна на друга жена.
Предлогот забранува бременост во корист на друга жена и на таков начин да се добие дете. Исто така, како криминал се смета и посредувањето во тој процес и се забранува дарување, продажба, чување, пренесување, увоз и извоз на репродуктивни клетки и ембриони.
Турскиот Казнен кодекс врз основа на Законот за дарување органи предвидува пресуда од две до пет години затвор за луѓе кои чуваат органи и ткива, добиени по нелегален пат или за тие кои ги пренесуваат или трансплантираат.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари