Балкан
1. December 2015 - 8:18

Турскиот Парламент ја одобри Владата на Давутоглу

Турското Големо национално собрание доцна синоќа и изгласа доверба на новата Влада на премиерот Ахмет Давутоглу, јави ТАСС. 

За доверба на Владата се изјаснија 315 од вкупно 550 пратеници во турскиот Парламент. За да биде одобрен, на Кабинетот на Давутоглу му беше потребна поддршка од најмалку 276 пратеници.

На предвремените парламентарани избори во Турција на 1 ноември, Партијата на правдата и развојот (АКП) на Давутоглу освои 49,5 отсто од гласовите со што обезбеди апсолутно мнозинство во Парламентот, што по 13 години го загуби на редовните избори, одржани пет месеци порано.