Турски суд издаде официјален налог за апсење на Ѓулен
Суд во Истанбул денеска издаде официјален налог за апсење на исламскиот проповедник Фетулах Ѓулен, кој живее во егзил во американската сојузна држава Пенсилванија.
Судот наложи апсење на Ѓулен под обвинение дека бил организатор на неуспешниот обид за воен удар на 15 јули, во кој загинаа повеќе од 270 луѓе.
Турската Влада тврди дека Ѓулен го организирал неуспешниот преврат, кој го извршиле дисиденти на турската војска и бара од САД тој да биде екстрадиран во Турција.
Анкара го прогласи движењето на Ѓулен за терористичка организација, а исламскиот проповедник, кој е поранешен сојузник на турскиот претседател Реџеп Тајип Ердоган, ги отфрла обвиненијата за негова вмешаност во обидот за државен удар.
Турција се уште нема испратено официјално барање за екстрадиција на Ѓулен, но налогот за апсење би можел да биде вовед во тоа, бидејќи Вашингтон бара од Анкара докази за вмешаноста на исламскиот проповедник во неодамнешните немири.
Ново на Сител
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела