Турски суд им одреди притвор на 60 бизнисмени обвинети за врски со Ѓулен
Турски суд денеска им одреди мерка притвор на 60 бизнисмени осомничени за поврзаност со движењето на исламскиот проповедник Фетулах Ѓулен, кого властите во Анкара го обвинуваат дека стои зад неуспешниот обид за преврат од јули минатата година.
Како што јави агенцијата Анадолија, овие 60 бизнислмени се дел од групата од 110 деловни луѓе кои денеска беа изведени пред Суд во Истанбул под обвинение за „членство во терористичка организација“.
На останатите 50 осомничени бизнисмени, Судот им одреди условни казни.
Обвинителството незадоволно од ваквата одлука најави жалба на пресудите за условни казни.
Овие 110 бизнисмени се на листата од 380 деловни луѓе од Турција по кои минатата недела беше објавена потерница под обвинение дека го финансирале движењето на Ѓулен.
Под обвинение за поврзаност со движењето на Гулен турските власти по неуспешниот обид за преврат упасија или отпуштија од работа неколку десетици илјади лица, што многу организации за човекови права го оценија како „чистка“ на неистомислениците.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица