Турската полиција упадна во простории на опозициски весник
Турската полиција доцна синоќа упадна во просториите на главниот опозициски весник „Заман“, близок со свештеникот Фетулах Гулен кој се смета за непријател на претседателот Реџеп Тајип Ердоган.
Додека полицијата вооружена со водени топови се собирала на улица, инспектори и адвокати ги претресувале истанбулските простории на весникот. „Заман“ соопшти дека претресот претставува „закана за слободата на медиумите“. Минатиот месец иста таква операција е извршена и во опозициска телевизија.
Целта на полицијата се медиуми поврзани со Гулен, кој живее во САД и е еден од најголемите непријатели на Ердоган, чија партија некогаш ја поддржувал. Полицијата извршила претрес по тврдењата дека „Заман“ печател пиратско издание на весникот, кое му припаѓа на мултимилијардерскиот конгломерат Коза-Ипек, чии компании се затворени минатиот месец, согласно истрагата која се води против Гулен и неговата мрежа.
Адвокатите на „Заман“ соопштија дека операцијата е незаконска и срамна, и се случува во момент кога целиот свет е свртен кон Турција поради претстојниот самит.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април