Турската полиција го уапси извршителот на нападот на новогодишната ноќ во Истанбул
Во операцијата на турската полиција е приведен извршителот на крвавиот напад на новогодишната ноќ во клубот „Реина“ во Истанбул, Узбекистанецот Абдулгадир Машарипов, кој уби 39 и повреди 66 лица.
Убиецот бил уапсен кратко по полноќ во домот на неговиот пријател Киргистанец, кој живее во истанбулскиот кварт Есенурт.
Според податоците од турската полицијата, убиецот од „Реина“ пристигнал таму пред три дена. Заедно со него приведени се уште четири лица, меѓу кои и жени. Синот на терористот, кој е на четири ипол годишна возраст, исто така бил со него.
Според полициски извори, целта на напаѓачот била концентрирана главно во Истанбул, бидејќи органите на редот располагале со информации дека тој не го напуштил градот.
Операцијата на турската полиција е оценета како голем успех.
Одговорноста за нападот во ноќниот клуб „Реина“ ја презеде ИД.
Турските телевизии објавија видеа на кои се гледа како полицијата го одведува фатениот убиец.
Тој е одведен во Дирекцијата за безбедност во Истанбул на распит.
Веројатно во скоро време ќе станат јасни одговорите на прашањата - како убиецот успеал да влезе во клубот и да избега потоа, кој му помагал и какви врски има тој со терористичките групи.
Ново на Сител
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје