Балкан
29. September 2016 - 9:21

Турција ќе го заврши ѕидот долж границата со Сирија до крајот на февруари

Турција до крајот на февруари треба да ја заврши изградбата на бетонскиот ѕид долж турско-сириската граница, долга 911 километри, изјави турски официјален претставник, пренесува БТА.

Турската Администрација за градежништво ќе ги изгради преостанатите 700 километри од ѕидот, додаде претставникот, кој не сакаше да биде именуван, пренесуваат американските медиуми.

Изградбата на ѕидот трае веќе две години, а со  неа досега раководеше Министерството за одбрана.

-Ѕидот е широк два, а висок три метри. Неговата изградба ќе биде завршена за пет месеци, но временските прилики можат да доведат до одложување, додаде турскиот претставник.

Турција веќе долг период е под притисок од своите НАТО сојузници, заради безбедносните закани, да ја затвори својата порозна граница со Сирија, наведуваат американските медиуми.