Тројца тешко повредени во сообраќајка кај Струга
Три лица се тешко повредени во сообраќајна незгода што се случи вчера попладне во 18:30 часот на регионалниот пат Струга - Дебар, во близина на „Здружение на возачи“ на илезот од Струга.
Како што соопшти СВР - Охрид, трите лица, Б.И.(34) од Струга, како и Б.С.(38) и Н.С.(36) двајцата од струшкото село Лабуништа, со сериозни повреди се префрлени во Специјалната болница за ортопедија и трауматологија „Св.Еразмо“ во Охрид, каде се задржани на натамошно лекување.
Според СВР - Охрид, во сообраќајката учествувале две патнички моторни возила со струшки регистарски ознаки, „Мерцедес“, управуван од сега повредениот Б.И. и „Ауди“ управувано од Б.С. во кое, како сопатник била и тешко повредената Н.С. Незгодата настанала во момент кога возачот на „Мерцедес“, движејќи се од Дебар кон Струга, недржејќи страна на движење, изгубил контрола врз возилото, преминал на спротивната коловозна лента и директно удрил во предниот дел на автомобилот „Ауди“ што се движел во спротивна насока.
На местото на сообраќајната незгода увид извршиле полициски екипи.
Ново на Сител
-
Две жртви и еден повреден во тешка сообраќајка на експресниот пат Штип-Кочани
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк