Тројца работници од РЕК „Битола“ примени во Битолската клиничка болница

Тројца работници вработени во РЕК „Битола“ се задржани на лекување во Интерното одделение на Битолската клиничка болница, откако претпладне биле примени заради проблеми со органите за дишење.

Портпаролот на Клиничката болница-Битола, Јагода Стојановска изјави дека вработените биле донесени во болницата во претпладневните часови и веднаш им била укажана лекарска помош и заштита.

- Лицата се задржани во Интерното одделение, извршена е лекарска контрола и според првичното дијагноститицрање најверојатно станува збор за т.н. голтање на прашина или предизвикување проблем во дишењето од прашина. Наскоро тројцата работници ќе бидат пуштени на домашно лекување, потврди Стојановска.