Тројца повредени при инцидент во градски автобус во Скопје
Три лица се повредени синоќа околу 21 часот на постојката кај 26-ти Јули во центарот на Скопје, кога повеќемина насилници го нарушиле јавниот ред и мир и нападнале патници во градски автобус број 50.
Како што соопшти Министерството за внатрешни работи, инцидентот започнал на горниот кат од автобусот, каде што настанала тепачка, која потоа продолжила и на долниот кат од возилото.
Едно од лицата учесници во тепачката го презело воланот и предизвикало сообраќајка, удријќи со возилото во приватен автобус број 20.
- Откако биле отворени вратите од автобусот, лицата продолжиле со тепачката на самата постојка, но по пристигнувањето на полициските службеници лицата се разбегале во различни правци, се наведува во полициското соопштение.
Повредените лица со возила на итната медицинска помош се префрлени во Ургентниот центар.
За сега е приведено лицето Р. Б. и се преземаат мерки за целосно расчистување на случајот и идентификација на сите учесници во насилството, се додава во сппштението.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка