Тројца полицајци загинаа во двоен самоубиствен напад во Џакарта
Тројца полицајци загинаа во двоен самоубиствен напад на фрекфентна автобуска станица во индонезиската престолнина Џакарта, соопшти полицијата, цитирана од ДПА.
-Десет лица се ранети во двете експлозии, вклучувајќи и петмина полицајци. Двајцата атентатори, исто така, се мртви, изјави портпаролот на националната полиција.
Нападот бил извршен во време, кога припадниците на полицијата обезбедувале настан по повод едномесечниот муслимански пост Рамазан, што почнува во сабота.
Полицијата во Индонезија често пати беше цел на напади по казнените мерки против исламските екстремисти по атентатите на островот Бали, во 2002 година, во кои загинаа 202 лица. Вчерашниот напад е втор во Џакарта за помалку од две години.
-Засилени се безбедносните мерки на транспортните објекти во Индонезија, јави министерот за транспорт, Буди Карија Сумади, цитиран од ТАСС.
Индонезија, најнаселената земја со доминантно муслиманско население во светот, е цел на мноштво терористички акти, кои од 2000 година до сега го однесоа животот на неколку стотици лица, потсетува ДПА.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност