Тројца мртви и тројца потешко повредени во лавината во француските Алпи
Во лавината која се случи во скијачкиот центар Две Алпи загинаа три лица, од кои двајца се средношколци, а третото лице е турист од Украина. Во несреќата две лица се потешко повредни, јавува дописникот на МИА од Париз.
Лавината се случила некаде околу 16 часот, на една затворена писта на скијачкиот центар Две Алпи. Десетина ученици од основното училиште и гимназијата Сант Егзупери од Лион и нивниот професор беа затрупани од снегот. Според најновите информации од жандармеријата двајца од учениците го изгубиле од животот, а третото загинато лице е Украинец, кој не бил со групата. Меѓу повредените се еден ученик и професорот, еден од учениците останал неповреден, а се трага по уште пет други.
Гимназијата од каде се учениците брои околу 1300 ученици, а спортската секција организира редовно скијачки излети.
Пистите на овој зимски центар беа посебно оптоварени оваа среда, со оглед на тоа дека за вечерва беше планирано да се организира рушење на светскиот рекорд за слегување на пистите со факели.
По големите снежни врнежи од почетокот на јануари, француските власти предупредија на опасностите од снежни лавини во Алпите.
Претседателот на Франција Франсоа Оланд им изрази искрено сочувство на блиските на жртвите и најави дека министерот за образование ќе отпатува во Лион за да изрази поддршка на школската заедница и на семејствата.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка