Тримесечна обука за 30 млади пожарникари
Триесет кандидати вработени во Бригадата за противпожарна заштита на Град Скопје денеска го одржаа првиот час од обуката за образовниот профил - професионален пожарникар за која Град Скопје склучи договор со средното училиште „Марија Кири - Склодовска“, а со која ќе добијат Диплома за положен завршен испит во специјалистичкото образование.
Градоначалникот на Град Скопје, Коце Трајановски кој присуствуваше на часот појасни дека од Министерството за образование и наука, училиштето добило верификација за реализација на наставниот план и наставните програми во специјалистичкото образование.
- Се надевам дека сите вие коишто успешно ги поминавте психофизичките тестови успешно ќе ја завршите и оваа обука и ќе станете професионални пожарникари коишто ќе ги штитат човечките животи и материјалните добра на граѓаните, порача Трајановски.
Воспитно - образовниот процес ќе се одвива во посебна, специјализирана училница којашто е опремена со сите потребни наставни средства, помагала и нагледни средства (учебници, топографски карти и друго) коишто ќе се користат во текот на наставата. Наставата ќе опфати 720 наставни часови, во период од минимум три месеци, а ќе ја изведуваат наставници од училиштето, надворешни соработници, предавачи и лица од Бригадата за противпожарна заштита на Град Скопје.
Градоначалникот Трајановски го најави и отворањето на два нови пункта на Бригадата за противпожарна заштита на Град Скопје во Цементарница и во Шуто Оризари.
Звонко Томески, командант на Бригадата за противпожарна заштита на Град Скопје истакна дека со нетрпение ги очекуваат новите колеги затоа што просечната старост на бригадата е 45 години.
За спроведување на оваа обука од Буџетот на Градот Скопје се издвоени еден милион денари.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор