Трамп поддржува решение што би било прифатливо и за Израелците и за Палестинците

Американскиот претседател Доналд Трамп изјави дека поддржува уредување на израелско-палестинскиот конфликт со решение за две држави.

Трамп сепак не потврди ангажирање на САД со создавање на евентуална палестинска држава и наместо тоа одново рече дека ќе биде „задоволен од решение што ќе биде прифатено од двете страни“.

На 15 февруари на заедничка прес конференција со израелскиот премиер Бенјамин Нетанјаху рече дека нема да настојува за создавање независна палестинска држава како дел од иден мировен договор.