Трамп не ја исклучи воената опција за Венецуела
Американскиот претседател Доналд Трамп не ја исклучува воената опција за Венецуела, како одговор на ескалацијата на политичката криза во таа земја и обидите на венецуелскиот претседател Николас Мадуро да ја консолидира власта.
- Имаме многу опции за Венецуела, вклучувајќи и потенцијална воена опција, ако биде потребно, рече Трамп пред новинарите во Њу Џерси.
- Имаме воени сили во целиот свет и на места, кои се мошне оддалечени. Венецуела не е толку далеку, а луѓето таму страдаат и умираат, додаде Трамп.
Амдинистрацијата на Трамп претходно лидерот на Венецуела го нарече диктатор и покрена санкции против него и повеќе други официјални претставници, по одржување на контроверзните избори за Уставотворното собрание и повеќемесечните протести на опозицијата во кои во судирите со полицијата загинаа повеќе дестици лица.
Во меѓувреме министерот за одбрана на Венецуела Владимир Падрино заканите на Трамп за воена интервенција во неговата земја ги нарече „акт на лудост“.
- Со таа екстремистичка елита, која раководи со САД, кој знае што ќе се случи во светот, рече генералот Падрино за националната телевизија.
Министерот за комуникации Ернесто Вилегас изјавата на Трамп ја нарече „закана против националниот суверенитет без преседан“.
Пентагон во врска со изјавата на Трамп нагласи дека американските војници се подготвени да ги заштитат граѓаните на САД и американските национални интереси, но ги означи како „неосновани инсинуациите на Каракас за планирање воена интервенција“ од страна на САД.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје