Свет
23. January 2017 - 10:01

Трамп: Наскоро нови преговори за Северноамериканскиот договор за слободна трговија

Американскиот претседател Доналд Трамп најави дека наскоро ќе разговара со лидерите на Канада и Мексико за Северноамериканскиот договор за слободна трговија (НАФТА).

- Ќе почнеме преговори во врска со НАФТА, за миграцијата и безбедноста на границите, истакна Трамп.

Тој ова го изјави обраќајќи им се на службениците на администрацијата во Белата куќа, втор ден откако положи заклетва како 45-ти претседател на САД.

НАФТА е договор кој стапи во сила пред 23 години.

Трамп за време на предизборната кампања нагласи дека доколку биде избран за шеф на државата повторно ќе преговара за тој договор, со цел да обезбеди поповолни услови за САД.

На 31 јануари Трамп ќе оствари средба со мексиканскиот колега Енрике Пења Нијето.

Датумот на средбата со канадскиот премиер Џастин Трудо се уште не е објавен, но во телефонски разговор било договорено тоа да се случи наскоро.