Трагедија: Се урна авион врз станбен блок, над 30 загинати
Во непосредна близина на аеродромот Манас во Киргистан денеска се урна турски товарен авион, а во несреќата загинаа најмалку 32 лица, пренесе ТАСС, повикувајќи се на киргистанските власти.
Повеќето од жртвите, меѓу кои има и шест деца, биле жители на населеното место врз кое паднал авионот „Боинг 747“.
Аеродромските власти соопштија дека авионот летал од Хонг Конг за Истанбул, а на меѓународниот аеродром Манас требало да има привремено слетување, но се урнал додека се обидувал да се приземји во услови на густа магла, забележуваат британските медиуми.
Заради несреќата аеродромот Манас е затворен.
Министерството за вонредни ситуации соопшти дека во несреќата биле разурнати 15 куќи.
Според информации на агенцијата Анадолија, урнатиот авион припаѓал на турската авиокомпанија „Мај карго ерлајнс“, позната, исто така, и како „Еј-Си-Ти Ерлајнс“, посочува ТАСС.
Ново на Сител
-
Куќен притвор од 48 часа за две лица поради убиството на лекарот во Железара
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор