„Традицијата продолжува“ в недела во Студеничани
Меѓународната културно-спортска манифестација (пеливанство) „Традицијата продолжува“ в недела по шести пат ќе се одржи во скопското село Студеничани. Манифестацијата ќе се одржи во организација на Здружението за образование, култура, спорт и екологија, а е поддржана од Министерство за култура.
Ќе учествуват борачи-пеливани од Турција, Грција, Бугарија, Косово, Албанија, како и борачи од Македонија во пет категории.
- Освен пеливани на настанот ќе присуствуват и културни и уметнички друштва кои ќе пеат и играат и стари песни и ора. Граѓаните на Студеничани ќе подготват стари традиционални јадења за гостите, како ѓомлезе, татлија со трици, сутлијаш и други специјалитети кои се карактеристични за реонот Каршијака–Скопско, вели Афет Јашари, етнолог и организатор на манифестацијата.
Тој објаснува дека културната функција на пеливанството како традиционален спорт и вештина во општина Студеничани претставува своевиден културен артефакт поради поседување многу елементи со културна позадина во својата внатрешна структура.
Институтот за фолклор „Марко Цепенков“ подготви елаборат со цел пеливанството да се заштити како културно наследство.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца