Тодориќ вели дека ќе се врати во Хрватска откако ќе собере докази да се одбрани во случајот Агрокор
Хрватскиот бизнисмен Ивица Тодориќ изјави дека тој ќе се врати во земјата само откако ќе ги собере потребните докази за да се одбрани во судскиот спор околу пропаста на гигантот Агрокор.
По Тодориќ вчера беше распишана меѓународна потерница, откако судот во Загреб му изрече мерка притвор. Неговите два сина Иван и Анте, како и уште дузина менаџери и ревизори на Агрокор, кои исто така се обвинети, се пуштени да се бранат од слобода.
- Јас не сум човек кој бега од одговорноста. Реков дека доколку одговорност постои, а јас тврдам дека не сум одговорен, тогаш таа е во целост моја. Јас сум човек на кого тешко му се повредени човековите права. Работам со мојот тим адвокати да соберам докази и факти со кои ќе можам да се спротиставам лагите од кривичната пријава, и да се одбранам себеси и моите соработници од политичкиот прогон чија цел е да се прикрие фактот дека политичарите одземаат приватна сопственост, воведуваат безвластие и вршат вистински криминал, напиша Тодориќ преку својот интернет блог.
Се препоставува дека Тодориќ е во Британија. Агрокор, најголемата компанија во Хрватска која има регионална мрежа на супермаркети и прехрабнени компании, банкротираше и и се заканува целосна пропаст. Тодориќ е обвинет за криминал тежок 189 милиони евра.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари