ТИ: Данска со најмала корупција во светот
Нов извештај на Транспаренси интернешнал покажува дека корупцијата во јавниот сектор продолжува да биде сериозен проблем во светски размери.
Според извештајот, Данска е втора година по ред на првото место како држава каде има најмала корупција – со оценка 91 од максимални 100. Сомалија и Северна Кореја се на дното од листата со оценка осум. Соодветно на 167-то место.
САД и Велика Британија се со најдобра оценка во историјата на таквите анализи. САД се на 16 место со оценка 76, а Велика Вританија е на 10-то место со 81 индексни поени.
Во првите десет места се Финска (90), Шведска (89), Нов Зеланд (88), Холандија (87), Норвешка (87), Швајцарија (86), Сингапур (85) и Канада (83 индексни поени).
Индексот на ТИ се базира на експертски анализи за корупцијата во јавниот сектор земени по неколку фактори како – дали владини лидери во дадена држава се сметаат за одговорни заради корупција или се неказнети, дали јавните институции одговараат на потребите на граѓаните, дали се смета дека поткупот доминира во одделна држава.
ТИ наведува дека во држави како Полска (3-то место со оценка 62), Унгарија (50-то место оценка 51) и Турција (66 место оценка 42) политичарите и нивните соработници се повеќе земаат контрола врз државните институции за да ја задржат власта.
Русија е на 119 место заедно со Азербејџан, Гвајана и Сиера Леоне. Сите тие држави имаат по 27 индексни поени.
На „дното“ од листата се Северна Кореја и Судан (165 место со 12 индексни поени). До нив се и Авганистан, Ирак и Сирија.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово