Македонија
17. December 2017 - 12:33

Тешка сообраќајка во Скопје - прегазени две девојчиња

Тешка сообраќајна несреќа се случила вчера во 22.20 часот на ул. „Филип Втори Македонски“ во Скопје. Како што информиораат од МВР,  патничко возило „Фолксваген Бора“ со скопски регистарски ознаки, управувано од Љ.З. (36) од Скојпе, удрило во две 15-годишни девојчиња од Скопје. Во незгодата, со повреди се здобиле двете девојчиња кои со друго возило биле пренесени во Градската општа болница „Св.Наум Охридски“, каде им била укажана лекарска помош. Кај едното девојче биле констатирани тешки телесни повреди и била задржана на понатамошно лекување, додека кај другото девојче биле констатирани телесни повреди и била упатена на Клиниката за уво, нос и грло при Клиничкиот центар „Мајка Тереза“.

Увид на местото на настанот извршила екипа од СВР Скопје.