Свет
26. May 2017 - 12:55

Терористот од Манчестер пред нападот и се јавил на мајка си – Еве што и рекол

Салман Абеди, лицето кое го изврши терористичкиот напад во Манчестер, колку часа пред нападот и се јавил на својата мајка и и рекол „Прости ми“, соопштува портпаролот на либиските антитерористички сили.
 
Портпаролот Ахмед бин Салем додава дека неговата мајка и тројцата браќа во Либија се повикани на испитувања.
 
Бин Салем изјавил дека неговата мајка на инспекторите им кажала дека нејзиниот син отпатувал од Либија во Англија само четири дена пред бомбашкиот напад и дека и се јавил на денот на нападот.
 
Уште еден брат на Абеди, Хашим, како и неговиот татко уапсени се во средата во Триполи.
 
Според изјавите на портпаролот, Хашим Абеди рекол дека неговиот брат Салам научил како се прави експлозив на интернет и „сакал победа за Исламската држава“, пренесува АП.