Тереза Меј: Европејците ќе може да останат во Британија и по Брегзит
Британскиот премиер Тереза Меј изјави денеска дека државјаните од земјите на ЕУ кои сега работат и живеат во Британија, ќе може да останат со истите права што и сега ги имаат и по Брегзит.
На специјална седница во Долниот дом на британскиот Парламент, Меј рече дека ваквите права ќе може да ги користат оние кои престојуваат најмалку пет години во Британија и кои имаат легален статус. Таквото право ќе може да го користат и нивните сопруги и партнери и децата од нивните врски.
Оние кои ќе дојдат подоцна од терминот што ќе биде дополнително определен во преговорите меѓу Лондон и Брисел, ќе имаат период од две години за да го регулираат својот статус.
Во обраќањето пред пратениците, Меј истакна дека со ваквиот план на Владата се настојува да им се овозможи на 3,2 милиони Европејци да може да се ослободат од стравувањето за својот статус по Брегзит.
Освен за државјаните од ЕУ, правото за останување во Британија ќе го користат и државјаните од трите земји од Европската економска област (ЕЕА) и на Швајцарија.
- Сакам да ги уверам луѓето дека на нив гледаме како дел од британскиот економски и културен простор, рече Меј.
Британскиот премиер повторно предупреди дека ваквиот британски план ќе се реализира ако ЕУ од своја страна им ги обезбеди истите права и на Британците, околу 1,5 милион, кои сега живеат и работат во земјите чланки на Унијата.
Ново на Сител
-
ДИК: Црната листа на САД не може да влијае врз претседателската кандидатура на Стевчо Јакимовски
-
Бебе загина во сообраќајка на патот Струмица-Ново Село
-
Приведен дебранец поради агресивно однесување кон полициски службеници
-
Разбиена криминална мрежа во Атина која регрутирала малолетни девојчиња и ги принудувала на проституција
-
Претрес во Скопје, пронајдена дрога и украдени часовници - Приведени три лица
-
Стојковски: Се руши дивоградба во Ѓорче Петров, завршија деновите на провлекување
-
Велигденов: Со години обезбедуваме плата преку позајмици, веќе нема од каде да земеме
-
Тошковски: Дали намерно шест години не ни работат термалните камери на граница?