Технички тимови на доверителите ќе го проверат буџетот на Грција
Технички екипи на меѓународните кредитори на Грција (Европската унија, Европската централна банка и Меѓународниот монетарен фонд) денеска во Атина и ќе го проверуваат извршување на буџетот на државата.
Експертите се во грчката престолнина по дадените гаранции дека Меѓународниот монетарен фонд (ММФ) нема да бара од Грција нови мерки за штедење во 2018 година, бидејќи проценил дека поставената цел од страна на грчката Влада за примарен буџетски суфицит во износ од 2,2 од БДП, ќе се постигне.
Се предвидува раководителите на институциите да дојдат кон крајот на месецот во Атина, кога ќе започнат со преговорите, а потоа во ноември ќе го финализираат својот трет преглед на владините реформи во рамките на програмата за помош, коишто се услов за доделувањето на дополнителни заеми на Грција.
Целта на грчката Влада е новиот преглед да биде успешно завршен од состанокот на Еврогрупата на 4 декември.
Проблематични се четири клучни области, кои грчките власти треба да ги одобрат до крајот на годината. А тие се однесуваат на реформите на пазарот на трудот, во буџетската сфера, како и даноците и затворените професии.
Ново на Сител
-
Албанската опозиција во кампања со поддршка од косовскиот премиер
-
Анкета на ИРИ: Србите најголеми пријатели, Бугарија најголема закана за Македонија
-
Младите се пречесто на социјалните медиуми – не пребаруваат за политика
-
Наместо зголемени плати за 12%, вработените во култура не добија никаква плата за март - најавија протести
-
Доживотна казна затвор за кочанчанец кој усмрти жена на свиреп начин
-
Приватните специјализанти од понеделник се селат пред здравство
-
Стартува кампањата за парламентарните избори
-
Уште 5 дена кампања за претседателските избори