Кошарка
13. August 2017 - 16:40

Тасовски ќе патува на мечот против Естонија

 
 
 Диме Тасовски еден од најискусните кошаркари во репрезентацијата на Македонија заработи повреда на потколеницата на синоќешниот меч против Косово, но сепак тој ќе биде дел од тимот кој ќе патува за Естонија. 
 
Нашата селекција го совлада Косово во предквалификацискиот натпревар за СП 2018 година, но Тасовски се повреди во последната четвртина и мораше да го напушти теренот со мраз на потколеницата. 
 
Според последните информации во текот на денот на Тасовски му е направена ехо снимка по која е констатирано дека повредата не е од посериозен карактер. 
 
Искусниот крилен кошаркар веќе имал и една терапија, па лекарскиот тим на репрезентацијата очекува Тасовски да биде подготвен и да помогне во последниот, решавачки меч на Македонија и тоа на гостувањето во Талин против Естонија закажан за во среда.