Тајванскиот премиер поднесе оставка

Тајванскиот премиер Лин Чуан денеска поднесе оставка од својата функција со цел на тој начин да ја оживее поддршката од јавноста кон Владата на претседателот Чаи Инг-вена.

Кабинетот на претседателот соопшти дека Лин вчера ја понудил оставката со образложение дека „ги извршил своите тековни задачи и среќен е што некој од него ќе го преземе тешкиот товар“, како и дека е подготвен да ги прифати критиките за неговата работа.

Според соопштението, претседателот Чаи Инг-вена ги прифатил причините за оставката. 

Тајванските медиуми шпекулираат дека Лин секако ќе бил сменет, а дека на негово место ќе дојде, меѓу граѓаните омилениот градоначалник на градот Таинан, Вилијам Лаи. 

Според последните истражувања на јавното мислење, популарноста на претседателот на Тајван е намалена за 70 проценти во однос на минатата година.