Тачи: Референдум за конечниот договор со Србија
Косовскиот претседател Хашим Тачи синоќа во интервју за „Радио Косово“ потврди дека „граѓаните ќе добијат шанса да се изјаснат на референдум за конечниот договор меѓу Приштина и Белград“.
- Овој договор мора да биде по волја на граѓаните. Во продолжение на дијалогот директно ќе учествуваат и САД, што ќе претставува силна гаранција за преземање чекори и брзи одлуки, вистински, одржливи и функционални, истакна Тачи.
Пораката за евентуален референдум Тачи ја изнесе во јавност само неколку часа по состанокот во Брисел со српскиот претседател Александар Вучиќ и Високата претставничка на ЕУ за надворешна политика и безбедност, Федерика Могерини.
Тој нагласи дека „идниот конечен договор за нормализирање на односите и помирување, кој отвора сигурна перспектива на Косово во рамки на ОН, ЕУ и НАТО, мора да биде по волја на граѓаните преку референдум“.
Тачи нагласи дека станува збор за нова фаза од дијалогот меѓу Косово и Србија, а конечниот договор ќе им стави крај на непријателствата.
Косовскиот претседател во интервјуто најави и дека наскоро патува во САД и тврди дека ќе оствари средба со американскиот колега Доналд Трамп.
Ново на Сител
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија