-->
-->
Тачи: Независноста на Косово е неповратен процес
-->
Србија само губи време во блокирањето на Косово, бидејќи косовската независност е неповратен процес, оцени претседателот на Косово, Хашим Тачи.
- Свесен сум за предизвиците што ги имаме во врска со консолидацијата на меѓународниот субјективитет на Косово, но убеден сум дека Косово ќе биде дел од ОН, УНЕСКО, Интерпол и сите меѓунардони механизми, изјави Тачи во интервју за телевизијата Н1.
Тој им порача на властите во Белград да не се занимаваат со Косово, туку да се посветат на своите проблеми.
Тачи во интервјуто уште еднаш повтори дека очекува 2018-тата да биде година на „историски договор“ меѓу Приштина и Белград.
- Тој договор ќе доведе до целосна нормализација на нашите односи и воедно и до помирување на нашите народи. Мирот меѓу Косово и Србија значи мир за Западниот Балкан. Мирот е и порака за европеизација на целиот простор на кој живееме. Се надевам дека тоа ќе биде договор според европските стандарди и модели, додаде Тачи.
Според него, ЕУ, со поддршка на САД, сега мора да преземе активна, динамична и водечка улога во дијалогот меѓу Белград и Приштина.
- Сега е вистинскиот момент раководствата на двете земји да дојдат до договор кој недостасуваше во последниве сто години и кој ќе ја отвори перспективата за идните генерации, порача Тачи.
Осврнувајќи се на Специјалниот суд за воени злосторства во Косово, Тачи нагласи дека Приштина има „добра волја“ за негово функционирање во интерес на стратешката соработка со САД, ЕУ и НАТО, иако го смета за „историска неправда“.
Според Тачи, созадвањето на овој суд е исто како по Втората светска воја да се формирал суд што „би им судел на Евреите кои се бореле против нацизмот“
-->
-->
-->
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово