Тачи: Мораме да бидеме подготвени на дополнителни компромиси
Косовскиот претседател Хашим Тачи верува дека лидерите на Косово и во Србија се посветени на конечниот мир меѓу Србите и Албанците, а за тоа да се случи, порача тој, потребно е да бидат мудри и храбри, креативни и подготвени на дополнителни компромиси.
Во авторски текст за германскиот весник „Франкфуртер Алгемајне Цајтунг“ Тачи истакна дека единствен пат за ставање крај на сите несогласувања е постигнување историска спогодба меѓу Косово и Србија, а таа спогодба би опфатила и меѓусебно признавање.
Постигнувањето на таа цел, додава тој, е исклучително тешка за Белград и Приштина и бара храбро и мудро раководство.
- Цврсто верувам дека лидерите на Косово и Србија се посветени на она што нашиот народ го бара од нас, да постигнеме мир меѓу нас. Со цел тоа да се случи, сите мораме да бидеме креативни и подготвени на дополнителни компромиси. На сите мора да им биде јасно дека тоа е неопходно заради траен мир меѓу нашите народи и генерациите, кои доаѓаат, порача Тачи.
Тој оцени дека шест години се сторени значителни чекори во насока на нормализација на односите, но дека тие се уште се неостварена цел.
- Таа цел во овој момент е тешко достижна, смета Тачи, поради замрзнатиот конфликт меѓу двете земји.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка