Тачи ќе потроши милион долари за подобрување на односите со САД
Косовскиот претседател Хашим Тачи постигнал договор со амерканска лоби компанија која треба да му помогне во подобрување на односите со САД.
Овие услуги за компанијата, за која се смета дека е блиска на американскиот претседател Доналд Трамп, косовската држава ќе ја чинат 52 илјади долари месечно или над милион долари за две години.
- Договорот е потпишан на 22 декември 2017 година, денот кога Тачи се обиде да го укине Специјалниот суд. Компанијата идентични услуги им даваше и на двајцата добри пријатели на Тачи, турскиот претседател Реџеп Таип Ердоган и албанскиот премиер Еди Рама -констатира приштинскиот весник „Експрес“.
Компанијата „Балард партнерс“, која ја раководи лобистот Брајан Балард, според весникот треба да помогне во подобрувањето на имиџот на Тачи меѓу Амерканците. Балард е близок соработник со Трамп и беше ангажиран во неговата изборна кампања.
Договорот важи до 21 декември 2019 година и во тој период вкупниот износ на пари ќе биде исплатен во осум рати.
Ново на Сител
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите