Тачи: Демаркацијата на границата е само косовско прашање, треба да се усвои
Косовскиот претседател Хашим Тачи изјави дека договорот за демаркацијата на границата со Црна Гора „сега е само прашање на Косово“.
- Прашањето за демаркацијата повеќе не е меѓудржавно прашање Косово - Црна Гора, туку тоа е само прашање на Косовците, кои треба да донесат одлука во Парламентот, изјави Тачи во интервју за Гласот на Америка.
Тачи го потпиша Договорот за демаркација на границата со Црна Гора во август 2015 година, но актуелниот премиер Рамуш Харадинај и понатаму одбива да го прифати.
Тачи во интервју за Гласот на Америка повтори дека за либералзација на визниот режим треба да се исполнат дадените задачи од Европска унија.
Претседателот на Косово се осврна и на формирањето на новата Влада, наведувајќи дека „Косово не задоцнило во формирањето на институците“, иако тоа се случило по шест неуспешни седници на Парламентот.
Во врска со дијалогот со Србија, тој оцени дека нема друга алтернатива освен разговори меѓу државите.
- Добрососедството исто така треба да надвладее. Во интерес е на двете држави, на регионот, но и на самите инвестиции на ЕУ да владее мир меѓу Косово и Србија. Мирот и стабилноста меѓу Косово и Србија значи стабилност во регионот, посочи Тачи.
Ново на Сител
-
Тече последниот ден за поднесување кандидатура за претседател на државата до ДИК
-
Лекарите советуваат да се внимава со исхраната за време на велигденските пости
-
20 бесправно изградени објекти во Охрид ќе се легализираат
-
Доделени наградите на 25. Меѓународен фестивал на афоризам и карикатура
-
Преглед на вестите од светот
-
Јакимовски за црната листа на САД: Нечесна работа од нечесни луѓе
-
Просветните работници со години немаат земено плати во законскиот рок до 15-ти во месецот
-
Тема на денот со Гордан Јорданов, директор на ОМД за Македонија