СВР Куманово го одбележа Денот на превенцијата
Отсекот за превенција од СВР Куманово денеска организираше свечен прием за претставниците од локалните власти на шесте општини од североисточниот регион, од институциите, здруженијата со кои соработува во пресрет на 9 декември, Денот на превенцијата. Пред присутните беше презентиран видео материјал подготвен од учениците од средни училишта кои се дел од различните проекти кои овој отсек од СВР Куманово ги спроведува изминативе години.
Началникот на СВР Куманово, Стојанче Величковиќ рече дека отсекот за превенција реализира голем број проекти со кои ја доближува работата на полицијата до граѓаните.
Беа доделни благодарници на институциите, здруженијата на граѓани со кои отсекот за превенција соработува.
Виолета Богдановска, од отсекот за превенција, информираше дека годинава одбележуваат девет години од превентивната работа, како посебна организациска единица во рамки на работењето на полицијата.
- Овој ден го искористивме да се заблагодариме за досегашната соработка, но и да размениме идеи за идни соработки, изјави Богдановска.
По повод Денот на превенцијата беа реализирани повеќе манифестации, шаховски турнир, посета на деца од основни училишта во просториите на СВР Куманово, кои учествуваа на литературен натпревар, а до крајот на неделава се очекува да се спроведе и мешана патрола на припадници на полицијата и родителите на места и кафе барови каде што излегуваат малолетниците.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок