Свечено отворени ЗОИ во Пјонгчанг
Дваесет и третите Зимски олимписки игри почнуваат денеска во јужнокорејскиот град Пјонгчанг и се прогласени за најстудени во историјата, пренесува Би-би-си. За политичкиот свет ова е исклучителен момент, тоа што на Олимпијадата учествува и Северна Кореја. Паралелно со спортските натпревари во Пјонгчанг, оддалечен само 80 километри од добро чуваната граница со Северна Кореја, ќе се одвиваат и низа политички настани иако сè уште постои нелагодност поради потенцијалната нуклеарна војна во тој регион, пренесуваат светските медиуми.
Пред само неколку недели Северна Кореја му се закануваше на својот јужен сосед со војна, што всушност го прави многу долго време, oд нивниот меѓусебен конфликт, што е еден од најкрвавите во 20 век. Севернокорејската делегација ја предводат сестрата на лидерот, Ким Џонг-ун, и внуците на човекот кој во 1950 година нареди инвазија на нивниот јужен сосед.
Во Пјонгчанг ќе претстоујва и американскиот потпретседател Мајк Пенс со делегација.
На Олимпијадата пријавени за настап се 2.925 спортисти и повеќе од 3.500 официјални лица од 92 земји. Најмногуброен тим ќе има САД со 242 олимпијци, втора е Канада со 226, а трета, која е и најмногубројна во Европа, е Швајцарија со 169 олимпијци.
Од поранешните југословенски републики, најброен тим има Словенија 71, втора е Хрватска со 19, Србија и Босна и Херцеговина ќе имаат по четворица претставници, Македонија и Црна Гора по тројца, а дебитантот Косово ќе има еден.
Македонските претставници се: Антонио Ристевски, Ставре Јада и Викторија Тодоровска.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање