Судир меѓу полицијата и демонстранти во Ереван, најмалку 60 повредени
Најмалку 60 лица се повредени во синоќешните судири меѓу полицијата и повеќе илјади поддржувачи на опозицијата во Ереван, кои се пренесени во пет болници во главниот град, изјави портпаролката на ерменското Министерство за здравство, Анаит Ајтајан.
Неколкумина демонстранти се повредени во близина на зградата на полицијата, каде од 17 јули група вооружени напаѓачи држат заложници.
Во центарот на Ереван синоќа се собраа над 4.000 лица, а неколку стотици од нив тргнаа кон зоната на преземената полициска зграда. Полицијата употребила шок бомби за да ги растера демонстрантите.
Судирите започнаа на протестите кои се организираат секоја вечер во знак на поддршка, откако на 17 јули беше преземена полициската зграда во Ереван од страна на проопозициска група, со барање за ослободување на истакнат локален опозиционер и оставка на претседателот и Владата.
- Ерменската полиција, исто така, имаше престрелка со групата од 29 вооружени напаѓачи, при што тројца од се повредени, истакна портпаролот на полицијата, Ашот Агароњан.
Други петмина напаѓачи беа повредени во претходна престрелка со полицијата. Шестмина се хоспитализирани, а двајца добиваат медицинска помош во зградата која е под нивна контрола од екипа на брза помош, која е киднапирана по нејзиното пристигнување.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж