Студенти од 26 земји на натпревар по меѓународно хуманитарно право „Жан Пикте“
Охрид е домаќин на 30. издание на светски познатиот натпревар по меѓународно хуманитарно право, „Жан Пикте“. На натпреварот, од денеска па во наредните седум дена ќе учествуваат 144 студенти од 26 земји, поделени во екипи од по тројца членови.
Целта на натпреварот е правото да излезе од рамките на учебниците и студентите да работат врз конкретни случаи на примена на хуманитарното право, кое е актуелно со оглед на големиот број конфликти низ светот.
Финалето на натпреварот ќе се одржи во петок, на 30 март. Тимовите што ќе влезат во финале ќе дебатираат на француски и на англиски јазик, а најдобриот тим ќе биде награден од жирито со кое ќе претседава вториот заменик-претседател на Меѓународниот кривичен суд, Марк Перен де Бришамбо.
Официјално натпреварот ќе го отворат амбасадорот на Франција Кристијан Тимоние, амбасадорката на Швајцарија, Сибил Сутер и градоначалникот на Охрид, Јован Стојаноски.
Триесеттото издание на натпреварот „Жан Пикте“ е поддржано од Амбасадата на Франција, Меѓународната организација на Франкофонијата, Меѓународниот комитет на Црвениот крст, швајцарското Министерство за надворешни работи и голем број организации.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација