Струмица доби нов стадион
Фудбалската федерација на Македонија (ФФМ) го претстави стадионот „Младост“, непосредно пред квалификацискиот меч против Лихтенштајн, и тоа со прекрасни фотографии направени од птичја перспектива.
- Фудбалскиот храм во Струмица блеска и официјално може да се нарече дека е вториот најубав стадион во нашата земја, по Арената „Филип Втори“ во Скопје. Фотографиите од птичја перспектива изгледаат навистина моќно, а челниците на мак-фудбалот покажаа дека теренот е подготвен за мечот со Лихтенштајн. Дуелот кој за нашата репрезентација ќе биде последен во квалификациите за СП 2018 ќе биде вториот кој ќе се игра надвор од Скопје, по натпреварот против Албанија, кој исто така се одигра на „Младост“, информираа од ФФМ.
Стадионот комплетно се реконструираше за само два месеци, целосна инвестиција на Фудбалската Федерација на Македонија, а со поддршка на Агенцијата за млади и спорт и општина Струмица.
Стадионот „Младост“ доби нови рефлекторите, две нови трибини – Источна и Западна со капацитет од 1.200 нови места за седење, се инсталираа комплетно нови столчиња на останатиот дел од стадионот, со комплетна нумерација. Меѓу другото изградени се и нови ТВ Платформи за комплетен пренос на квалификациски натпревар согласно барањата на УЕФА. Инсталирани се и камери за мониторинг систем за следење на случувања на и вон стадионот, од посебна контролна просторија.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ