Страшен пожар: Гори шума во близина на воениот полигон Пенуш
Гори нискостеблеста шума во близина на воениот полигон Пенуш, меѓу штипските села Софилари и Драгоево.
Командирот на Територијалната противпожарна единица (ТППЕ)-Штип, Благој Ренџов изјави дека станува збор за голема површина и за непристапен терен.
Според првичните проценки на месното население, станува збор за површина од над 50 хектари. Пожарот во ТППЕ-Штип е пријавен околу 11 часот.
- Во гаснењето на пожарот се ангажирани две противпожарни возила со 11 пожарникари, исто така ни помагаат и околу 90 припадници на АРМ и вработени на ЈП Македонски шуми, рече Ренџов.
Жителите на околните штипски села велат дека огнената стихија може да ја зафати и планината Серта. Сметаат дека силниот ветар не им оди во прилог на пожарникарите, војниците и вработените од ЈП Македонски шуми.
Штипските пожарникари секоја година се справуваат со огнени стихии на оваа локација, а досега се покажало дека несовесни сточари намерно ја палат вегетацијата, со цел да го напасуваат својот добиток.
Пред шест години на оваа локација пожарот се гаснеше три дена, а беа ангажирани и ер-тракторите. Тогаш изгореа над 500 хектари сува трева и нискостеблеста шума.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж