Странските борци најсериозен предизвик за земјите од Балканот

Сложеноста на радикализацијата и насилниот екстремизам, кои водат кон тероризам се дел од врвните безбедносни приоритети на нашата земја, и поради тоа се врши постојана надградба на безбедносните капацитети. Но, ниту една држава не може сама да одговори на глобалните безбедносни закани, и поради тоа потреба е меѓународна соработка, истакна премиерот Зоран Заев на конференцијата посветена на превенцијата од странските терористички борци.

Зголемување на граничната безбедност, зајакнување на законите против тероризмот, како и преземање на посебни чекори за спречување на одредени лица да станат терористи, ќе бидат дел од мерките со кои ќе се развиваат капацитетите за борба против тероризмот, согласни беа учесниците на конференцијата, со која се отвори Регионалната симулациска вежба, организирана од амбасадата на САД, ОБСЕ и Владата.