Српското Обвинителство нареди истрага за „Лото скандалот“
Белградското Вишо јавно обвинителство денеска и издаде налог на полицијата да започне со прибирање на потребните информации за утврдување на сите факти и евентуална кривична одговорност во врска со скандалот со синоќешното извлекување на броевите од 59-то коло на играта на среќа „Лото“ на Државна лотарија на Србија, јави Танјуг.
Јавниот обвинител Загорка Доловац соопшти дека Обвинителството решило целосно и детално да го испита целиот случај и порача дека одговорните ќе бидат „процесуирани без разлика која функција ја извршуваат и на која позиција се наоѓаат“.
- Кога е во прашање Државната лотарија на Србија целосно сме свесни дека овој случај предизвика голема вознемиреност кај граѓаните и затоа јавноста благовремено ќе биде информирана за резултатите од истрагата, нагласи Доловац.
„Грешката“ при извелкувањето предизвика сомнеж дека играта на среќа е наместена, откако на екранот се појави број што дури потоа беше извлечен од барабанот.
Имено, по првите три броеви (4, 33, 12) беше извлечен бројот 27, но на екранот се појави бројот 21, кој дури потоа беше извлечен како петти во низата.
Државната лотарија на Србија од своја страна соопшти дека при извлекувањето на броевите на играта „Лото 7 од 39“ дошло до „техничка грешка предизвикана од човечки фактор“, односно поради лапсус на операторот ангажиран на извлекувањето, поради што по грешка на екранот бил испишан бројот 21.
Лотаријата изразува жалење поради „грешката“, додавајќи дека покрај сите процедури за утврдување на регуларноста во текот на извлекувањето, ќе ги испита и околностите што довеле до „настаната грешка, односно до превидот што се случи“.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.