Свет
19. October 2017 - 11:54

Срѓа Поповиќ избран за ректор на најстариот шкотски универзитет

Активистот и еден од основачите на Движењето на отпорот Срѓа Поповиќ е избран за ректор на шкотскиот универзитет „Сент Ендрус“.

Студентите на Универзитетот во градот Сент Ендрус го избраа Поповиќ за  ректор, кој во високата образовна институција е претседател на  универзитетскиот суд и претседава со состаноците на кои се донесуваат одлуки од распределба на буџет до академски политики.

Поповиќ, кој е основач на невладината организација Канвас (Центар за применета ненасилна акција и стратегија), беше кандидат за ректор по предлог на студентот Џејми Родни, кој ја прочитал неговата книга „Мостра за револуција".

Гласањето на студентите покажало дека Поповиќ добил поголема поддршка отколку поранешниот лидер на Либералдемократската партија, Вилијам Рене.