Средба Џафери-Кеихо Ханеда
Претседателот на Собранието на Република Македонија Талат Џафери денеска се сретна со новоименуваниот амбасадор на Јапонија во нашата држава Кеихо Ханеда.
Џафери, како што се наведува во соопштението од Кабинетот на претседателот на Собранието, изразил задоволство и упатил честитки до првиот резидентен амбасадор на Јапонија со седиште во Скопје. Изразил надеж дека сега ќе се создадат уште подобри услови за продлабочување и интензивирање на соработката на сите полиња.
Тој потенцирал дека иако географската оддалеченост на двете држави е голема, сепак, како што се наведува, односите меѓу двата народа се блиски и пријателски и така треба и да останат.
- Очекуваме во периодот кој следи да ги формираме пратеничките групи за соработка меѓу кои и со Кралството Јапонија и да ја интензивираме парламентарната соработка како и севкупните политички и економски односи меѓу двете земји, истакнал Џафери.
Јапонската амбасадорка, честитајќи му го изборот на функцијата претседател на Собранието, како што стои во соопштението, изразила задоволство од пријателството што го забележала кај македонските граѓани.
Кеихо Ханеда, како што се наведува, најголем интерес изразила за зајакнување на економската соработка и ја искажала својата подготвеност да ги посети слободните економски зони и да се запознае со можностите за развој и заемна соработка.
Двајцата соговорници на средбата изразиле надеж за стабилизација и евроатлантска интеграција на Република Македонија.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми