Спасовски - СВР Скопје: Безбедносната состојба во Скопје стабилна
Безбедносната состојба во градот Скопје е стабилна и има тенденција на намалување на криминалот, е оценката што денеска раководните лица од Секторот за внатрешни работи на Скопје му ја пренеле на министерот за внатрешни работи Оливер Спасовски.
На работниот состанок во просториите на СВР Скопје на министерот Спасовски му било укажано и на проблемите со кои се соочуваат вработените и на недостатокот на работен кадар.
Министерот најави дека во следниот период ќе се посвети посебно внимание на нарушувањето на јавниот ред и мир, намалувањето на кривичните дела и на безбедноста во сообраќајот.
Во делот на подобрувањето на условите за работа на полициските службеници, Спасовски посочи дека со ребалансот на Буџетот веќе се обезбедени дополнителни 10 милиони денари за капитални инвестиции.
- Граѓаните со право очекуваат да имаат зголемена безбедност, но од друга страна полициските службеници се соочуваат со проблеми. Ако имаме предвид дека 10 години не се дадени нови униформи, седум години чизми и не се инвестирало во подобрување на условите за работа, тоа укажува на еден начин на работење кој не бил во интерес на службата и граѓаните. Затоа пренасочивме средства за да ги подобриме овие услови и со ребалансот на Буџетот обезбедивме дополнителни 10 милиони денари за капитални инвестиции, изјави министерот Спасовски.
Работни средби како денешната во СВР Скопје планирано е да се одржат и со останатите сектори кои се во надлежност на МВР.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово