Спасовски: Поголема соработка за поквалитетен кризен менаџмент

Потребна е поинтензивна меѓуинституционална соработка и координација за поквалитетно справување со пожарите, смета министерот за внатрешни работи Оливер Спасовски.

Спасовски кој е и претседавач на владиниот Управувачки комитет за координација и управување со кризи, на денешната работна средба со директорот на Дирекцијата за заштита и спасување (ДЗС) Аднан Џаферовски ги оцени како успешни досегашните мерки и активности на МВР и ДЗС за превенција и справување со пожарите.

- Неопходно е во наредниот период да се иницираат мерки и проекти за поинтензивна координација и соработка на институциите за обезбедување поквалитетен кризен менаџмент, особено во поглед на превенцијата од пожари, рече Спасовски.

Во фокусот на разговорот беа состојбите со пожарите и мерките и активностите што ги преземаат двете институции, МВР и ДЗС, во оваа насока.