Сообраќајка на автопатот Куманово - Скопје - 14 лица повредени
Најмалку 14 лица се повредени во сообраќајна несреќа што се случи на клучката на автопатот Куманово - Скопје.
Несреќата се случила вчера попладне пред 18 часот и во неа според првичните информации учествувале џип, автобус и уште едно возило.
- Од повредените 14 лица, десет се од автобусот, а четворица од џипот и се државјани на Албанија. Двајца од нив поради карактерот на повредите се испратени на скопските клиники, а двајца се задржани за понатамошно лекување на одделението за хирургија во Куманово и се надвор од животна опасност, изјави директорот на кумановската болница, Ариф Латифи.
Останатите десет повредени, патници од автобусот, по укажаната помош се пуштени на домашно лекување.
Увид на местото на несреќата извршија обвинител и екипа на СВР Куманово, од каде најавија детални информации во текот на денешниот ден.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка