-->
-->
„Солзите на св. Лоренс“- Овој викенд небото ќе ни приреди спектакуларна глетка
-->
„Солзите на св. Лоренс“ е името на една од најспектакуларните глетки на ноќното небо што можете да ја погледнете во текот на викендот.
„Солзите на св. Лоренс“ е годишен метеорски дожд и спаѓа меѓу најсветлите и највидливите метеорски феномени, а на небото најубаво ќе се гледа помеѓу 11 и 13 август.
До метеорскиот дожд доаѓа кога Земјата поминува низ остатоците што се создаваат во орбитата од секој метеор, а во овој случај од кометата Свифт-Татл. Поради перспективата, метеорските дождови оставаат впечаток дека доаѓаат од една точка на небото што се нарекува радијант. Просечниот метеор настанува од честичка со големина на зрно песок што гори при влегување во атмосферата на Земјата со брзина од 215.000 километри на час.
„Солзите на св. Лоренс“, познати и како Персеиди, потекнуваат од соѕвездието Персеј. Најдобриот период за нивно набљудување од северната хемисфера ќе биде во текот на вечерните часови в петок, во 2:00 часот, па до зорите.
Кометата Свифт-Татл е најголемиот познат објект што редовно поминува покрај Земјата, а нејзиниот дијаметар изнесува 26 километри. Кометата прави цел круг околу Сонцето на секои 133 години. Минувајќи низ внатрешниот дел на Сончевиот Систем, се загрева и зад себе остава честички во орбитата. Последниот пат кога била најблиску до Сонцето било во декември 1992 година, а повторно ќе дојде на оваа позиција во јули 2126 година.
-->
-->
-->
Ново на Сител
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија