Сојузник на каталонскиот лидер го повикува да ја прогласи Каталонија за република
Клучниот политички сојузник на владејачката коалиција во Каталонија денеска го повика претседателот на регионалната Влада, Карлес Пуџдемон да го потврди прогласувањето независност од Шпанија.
Централните власти му дадоа на Пуџдемон краен рок до понеделник да се изјасни дали објавил независност во двосмислениот говор пред Парламентот. Во него, тој рече дека Каталонија потпишала декларација за независност, но предложи да се замрзне нејзината примена за неколку недели, за да се даде можност за посредување и дијалог со шпанската Влада.
Шпанската Влада се закани дека ќе активира мерки без преседан за одземање на самоуправата на Каталонија, ако таа продолжи со реализацијата на плановите за отцепување.
Во писмото со денешен датум екстремно левичарската каталонска партија Кандидатура за народно единство (ЦУП) вели дека Пуџдемон треба да го игнорира предупредувањето на шпанската Влада, да го поништи одложувањето и категорично да прогласи независна република.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка