Со растот на бројот на мигранти, состојбата на грчките острови станува критична
Со зголемување на бројот на бегалци и мигранти кои пристигнуваат на грчките острови на Егејот, состојбата во прифатните центри повторно станува критична, објави грчкиот весник „То Вима“.
Според весникот, бројот на мигранти во прифатните центри е над 13.700 лица, а на островите ја нема потребната инфраструктура за нивно згрижување. Стотици лица се уште се сместени во шатори и покрај тоа што зимата е на прагот.
Бројот на новопристигнати мигранти во Грција изнесуваше околу 1.500 во август и порасна на 2.428 во септември.
Главната мигрантска рута во Грција води преку Турција кон некој од поголемите грчки острови блиску до турскиот брег, како што се Кос или Лезбос, по што мигрантите се сместуваат во кампови или се обидуваат да се префрлат до Атина.
Освен на островите близу брегот на Турција, Грција има уште над 45.000 бегалци и мигранти сместени во 50-ина кампови во близината на Атина и на северот на земјата. Амнести Интернешнл ја опомена Грција дека условите во овие кампови се неприфатливи.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри