Со Мурињо Јунајтед најбогат фудбалски клуб

Англискиот фудбалски клуб Манчестер Јунајтед го престигна европскиот шампион Реал Мадрид и стана фудбалски клуб со најголеми приходи во светот, достигнувајќи до рекордни 735 милиони долари на крајот на мината сезона, покажува податокот на консултантската куќа Deloitte, објавен во четврток.

Реал Мадрид првото место го држеше последните 11 години, но славниот англиски клуб, благодарејќи на комерцијалните договори, го зголеми износот на приходи во сезоната 2015/16.

Клубот од Мадрид падна на третото место, додека на второто е актуелниот шпански првак Барселона. На четврто место е Баерн од Минхен, додека петти е Манчестер Сити.

Вкупните приходи, кои не вклучуваат пари од продажбата на фудбалери, пораснале 12 отсто во однос на претходната сезона и изнесуваат 7,4 милијарди евра, ако се земат предвид вкупниот износ на водечките 20 клубови.